أخباركم – أخبارنا
كتب يحيى جابر عبر صفحته للتواصل الاجتماعي (فايسبوك): نحن اللواتي والذين كنا نحاول بالقوة وبالحيلة أن نكون مستقلين قدر المستطاع خارج الطوائف والأحزاب الطائفية والأحزاب العلمانية الطوائفية. نحن لسنا أقلية.لسنا مكسر عصا .
لسنا وحدنا .وفي كمان المستقلين عالسكت وساكتيين غصبا عنهم داخل طوائفهم وأحزابهم، ونعرفهم ونسمعهم في السر ولكنهم خيفانيين بس ناطرين .جربنا وخسرنا بس راح نضل نلعب بالملعب .وماراح نضل عالمدرجات . راح نبقى نلعب حتى بالمنام .
نحنا مش قلال كمستقلين .نحنا كتار .وماحدا في يلغينا، ولازم كل مرة نذكّرهم بوجودنا ولو بقصيدة او بمسرحية بفيلم بجملة بكلمة ويحسب لنا حساب .نحن هنا وهناك .
وإن كنّا ساكتين على فزع وإن كان صوتنا خفيف مابيوصل لبعيد .ولكن يوما ما المستقلين سيستقلون ولو بعد مية سنة وسنة .وكلما جربوا يورثوا ولادهم حقد مذهبي او طائفي أو عنصرية ، نحنا كمان راح نورت ولادنا حرية ومواطنية .
للمستبدين ورثة وللأحرار ورثة .
حاول .جرّب .دافع عن نفسك المستقلة اليوم عالسكت ولو بهمسة ، ليرثها ولدك ،ومن بعدك لحفيد حفيدك .ساعتها لو بعد مية سنة راح يكون عيد الإستقلال الحقيقي لبلاد وبنات وولاد .
وراح توقف صبية وصبي على منبر ويقولوا
“شكرا لأجدادنا شكرا لجداتنا لولا أقليتكم المستقلة ماصرنا اليوم كتار مستقلين عن أحزاب كانت طائفية بعهدكم وقاومتم لوحدكم .”مش قليلة اقليتنا بأكثريتها الصامتة متل الطبيعة ساكتة كبركان كزلزال والأيام بطبيعتها جاية جاية “
