أخباركم – أخبارنا/ بوست لأحد المصريين

يعني الراجل شريك فى اسوأ مجزرة حصلت فى القرن الواحد وعشرين بلا جدال .. مجزرة استمرت 14 سنة خلفت وراها نص مليون قتيل.. 120 الف مختفي قسريا .. 12 مليون لاجئ..

شريك فى حصار مدنيين وتجويعهم .. فيديوهات أعضاء الحزب بالمئات على يوتيوب وهما بيعذبوا الناس ! بما فيها فيديوهات شديدة القسوة والبشاعة لتعذيب أطفال ما تجاوزوش 10 سنين !! .. مشاهد الذبح وسفك الدم شفناها لا تخطئها العين .. جرايم فى حق الإنسانية!! ..

صور مئات الجثامين الممتدة فى الغوطة الشرقية بعض ما انضربوا بالكيماوي اغلبهم اطفال فاغرين افواههم لسه موجودة على النت.. سرشوا هتلاقوها…. فيديوهات أطفال خان شيخون بيصارعوا الموت خنقا بالكيماوي موجودة هتلاقوها!.. 55 ألف صورة لقيصر لبشر ماتوا جوعا وتعذيبا وسحقا تحت آلة الموت الرهيبة لسه موجودة هتلاقوها!!.. عشرات التقارير الموثقة عن مسار تهريب الكبتاجون المخدر المرعب من سوريا عبر لبنان إلى العالم كله موجودة!! .. حصار حلب وحرق أهلها أحياء.. سجون صيدنايا وتدمر وعدرا وسحق البشر داخلها .. كل ده موجود وحكاياته موجودة!!..

كل ده مش بس كان بعلم نصر الله ورجاله.. لالا.. هو بالشراكة والتنفيذ وبيد عناصر الحزب نفسهم .. عناصر الحزب اللى أبادوا مدن كاملة من على وجه الأرض زي القصير وداريا ومعضمية الشام والزبداني ومضايا .. وبعد ما ابادوها وهجروا كل سكانها وسرقوا بيوتهم ومتاعهم.. راحوا فى تصرف طائفي حقير جابوا شيعة فقراء من افغانستان وباكستان والعراق.. وسكنوهم مساكن الناس!! فى عملية تغيير ديموغرافي مجرمة وطائفية وحقيرة !!

ليه واحد يتجاهل جريمة العصر الكبرى دي .. ويقولك انا مرتبك بخصوص موقفي!! .. والتاني اللى يقولك طلعت البرواز القديم وعلقته !! ..

إيه المربك فى إنك تشوف المجرم وتشاور عليه وتقول ده قاتل مجرم!.. لا مش مربك ابدا !!.. ده شيء واضح وضوح الشمس..

لكن للاسف فيه “دوجما” اسمها “القضية” … بتخلي دم السوري رخيص فى مقابل “القضية!” .. ودم الفلسطيني المعارض لـ”حماس” برضه رخيص.. لصالح “القضية!”.. ودم “الغزاوي” رخيص.. لصالح “القضية!”..

انهي قضية دي اللى بتكتسب شرعيتها من مجرمين وقتلة وسفاكين دماء!! .. بئس دي قضية والله !!”