أخباركم – أخبارنا
يقول الرفيق منذر: حل مشكلة المياه بلبنان مش قصة معقدة ولا بده مؤتمرات دولية. المي موجودة من زمان، تحت الأرض وفوقها، بس الدولة قررت تكون عمياء… وتتركها بين إيدين تجّار العطش وأزلام النافذين.
وأنا غضبان بحكيها على بلاطة: آلاف الآبار الجوفية صارت ملكية خاصة بكم شخص معتبر حاله فوق القانون. والدولة؟ قاعدة عم تتفرّج كأنها عطشانة معنا، بس الفرق إنها بتشرب رشاوي مش مي!
ويقول الرفيق منذر الحل؟ سهل: مصادرة كل الآبار للمنفعة العامة بلا تعويض، تغريم الحيتان اللي نهبوا المخزن الجوفي سنين، وتنظيم الآبار المرخّصة من جديد. غير هيك؟ كل الكلام عن “خطط مياه” و“إستراتيجيات” ما بيسوى كاسة مي فاضية.
وإلى أن يحصل هالشي، رح نضل ندفع للحكومات فاتورة عطش… ونشتري ميّنا من اللي سرقوها منّا.
