أخباركم – أخبارنا
والله يا جماعة، شكله بيبي نتنياهو عنده اشتراك سنوي مع “شركة حظّ “.
كل ما تجي محكمة بدها تحاسبه على فساده، بيفوت عليه “ملاك من السماء” على شكل عملية!
يعني فجأة… بوم 💥، العملية بتصير، والكل بيصرخ “الأمن أولاً”، وبيبي بيقول: “شفتوا؟ أنا الحامي الوحيد”.
- المحكمة؟ تتأجل.
- الإعلام؟ يركّز على “الإرهاب”.
- بيبي؟ بيظهر بلباس سوبرمان واقف عالباص المحروق.
حتى المعارضة بتصير محرجة: كيف بدها تحكي عن فساده وهو ماسك شعار “إسرائيل في حالة حرب”؟
يعني باختصار، الفلسطيني بيضحّي بدمه، ونتنياهو بيغسل حاله من قضايا الفساد.
شو هالصدف الغريبة!
عنجد يا بيبي، بدكش تعطينا اسم شركة “الحظ السياسي المحدودة”؟
