أخباركم – أخبارنا
كتب جميل ضاهر عبر صفحته للتواصل الاجتماعي فيسبوك
قلنا ظاهرة وبتخلص.
سقط المحور، وهيفا بعدها.
قلنا ما بتعرف تغنّي ولا ترقص،
صاروا كتار متلها يغنّوا ويرقصوا.
وقلنا ولا ممكن نحضرلها حفلة أو إطلالة،
صار الكل يخبرنا عن جديدها،
وصارت خبر عالإذاعة والتلفزيون وبلجان التحكيم .
أشياء كتير تغيّرت،
ونحنا كمان عم نجرب نلحق نتغيّر.
بعلمك بتكون السهرة طرب،
وأغاني لأم كلثوم ووردة وعبد الحليم وفيروز والشيخ إمام و«أناديكم»،
وإذ بنطّوا — النسوان، مش البنات —
النسوان اللي مفروض حاملين السلم بالعرض ويبوسوا الواوا.
كانوا معنا عأساس،
ونحنا غير، وما بأثّر فينا ترند.
وفجأة…
بنصير بنصّ الترند،
وبتاخد صورة مع الكاس.
صار الواحد يخبّي هويّتو الموسيقية،
أحسن ما ينطّوا ويجنّوا علينا.
برافو يا هيفا،
خلّصتينا من كتير أشياء.
مش ضروري السلم يكون بالعرض،
فيه يكون محل ما لازم يكون.
خلّوا أمسياتنا
وحكاياتنا القديمة إلنا.
وإذا حدا بحب يعرفها،
يسأل الـAI
يخبره كيف دحرنا بعضنا،
وكيف كل ما نخلّص من عدو
نخلق عدو.
هيفا كانت ع لائحة المقاطعة،
والإرهاب المرتبط برأس المال (الإمبرياني).
إيه، إمبرياني،
لأنو مش معروف نحنا مين، وليش،
وشو لازم نسمع أو ما نسمع،
وشو نسمح أو ما نقبل.
المهم…
بدنا نروق،
ونطوّل بالنا
قد ما استطعنا إليه سبيلا .
جميل الرياض
@highlight
