تداول مناصرو (ا ل ح ز ب) صورة للاعلامية ديما صادق بخلفية علم اسرائيل بهدف تخوينها، وهذه ليست اول مرة يقوم الحزب و مناصروه بذلك فلقد تعرض رئيس تحرير موقعنا مسعود محمد لنفس الحملة عام ٢٠١٠ فالخيانة بالنسبة لهم نسبية اذا كانت تتعلق بمصالح ايران فهي “وطنية” ولو كانت من نوع بيع الارض والنفط لاسرائيل. اما اذا كانت مرتبطة بمعارضتهم فهي خيانة عظمى تستوجب الاعدام اجتماعياً واذا امكن جسدياً كما فعل الحزب مع الكثير من المفكرين منهم مفكري الحزب الشيوعي حسين مروة وسهيل طويلة وخليل نعوس واللائحة تطول.
الاعلامية ديما صادق ردت على حملة التخوين عبر منصة (X) وكتبت: فشرتو! شوفو. سكتت كتير كتير لان اطفال غزة اولوية بما لا يقاس.و لكن طفح الكيل و لكل شيء حدود. هذا التخوين و هدر الدم وهذا الكفر لن اسكت عنه. نحنا عملا ؟ طيب ما زال الامو ر وصلت لهون ، مش انا اللي اعطيت حدودنا و نفطنا للاسرائيلي. مش انا اللي طلعت العميل عامر فاخوري.مش انا اللي قلت بدو يبلش الحديث بترسيم الحدود البرية مع الاسرائيلي. العملاء هني اللي اعطوا نفطنا وارضنا الاسرائيلي ، مش اللي اعترضو ع هل شي. على هذه الصفحة اللي انتو ساكنين فيها ليل نهار على نفس هل صفحة في عشرات التويتات اللي بتندد باعطاء نفطنا لاسراييل، في عشرات التويتات اللي بترفض تسليم العملاء لاميركا. بس اعور الدجال ما بشوف الا بعين وحدة. ما شايفين على هل صفحة الا صورتي مع السفيرة الاميركية؟ ممتاز . انا بقول علنا للسفيرة والادارة الاميريكية ان سياستها سياسة اجرام وادينها علنا، بدليل صارخ على انه نحن ما منتبع لحدا، حضراتكم بتقدرو تفتحو تمكن بحرف ، حرف واحد ينتقد مش يدين ، مجرد ينتقد سياسة حزب الله او ايران؟ بخصوص الترسيم؟ بخصوص فاخوري؟ بخصوص وعود لم ينفذوها؟ مين بكون العميل ، التابع الراضخ اللي بيتبع عل عمياني؟ او اللي بدين كل الاطراف ، حتى لو كان على علاقة جيدة معهم ؟؟؟؟ لن اسكت على هدر الدم ، نعم فلسطين اولوية لكنها ليست حجة لترهيبنا.خسئتم!
